安平燒肉

Open Now

Now Closed

晚上同朋友嚟食安平燒肉，五點半早少少算係無咁多人，一早訂咗位，準時入座！牛舌芯每枱贈送一份，牛舌味濃，入口質感軟腍，正！澎湖蛤仔湯熱辣辣又足料，味道鮮又甜。飲品櫃有好多飲品選擇，最鍾意啲無糖茶，用手機點嘅百香果綠茶，like社文平台仲有特飲「柳橙翠綠」添。肉類一定係揀澳洲M5和牛肩胛肉、SRF極黑牛肩胛肉、安格斯牛小排，雪花紋靚，油脂豐富。老虎雞翼有醃過，孜然粉味道幾香，好似土匪雞翼👍🏻 另外比較特別嘅有屏東燒魚腹，醬汁夠惹味，油脂超香。雞泡魚干亦比較特別，唔係度度有得食，作為小食配飲品一流。海鮮類最值回票價，虎蝦同燒帆立貝都大大件，質素非常高。 絲瓜煮蜆有鮮味亦唔錯！小食方面，佢地嘅黃金泡菜好特別，似係用左淡味噌去醃製；澎湖花枝扒加左芥末醬，特別惹味；安平炸蚵卷，夠脆夠香口。最後仲有雪糕或者檸檬愛玉甜品。