Thilaporn

屋企人話食泰國菜當做節，咁就黎咗呢間泰式海南雞到買返屋企食。
咁食泰國菜當然唔可以無咖哩啦，叫左個青咖哩豬頸肉，配埋薄餅。豬頸肉都算冧，青咖哩唔係話十分之辣，唔食得辣既人都可以食，薄餅成塊浸晒落去冇得輸，好好食。

跟住仲有個香葉肉碎煎蛋飯，本身係白飯黎既，不過加5蚊可以轉做炒底。呢個就偏辣，而且有辣椒夾雜喺入面，所以唔建議唔食得辣既人食，但係隻蛋個邊煎得幾香口。

最後當然唔少得串燒啦，叫左2豬2雞2牛，豬同牛都幾硬下，咬得好辛苦，雞就一般般但相對黎講都仲叫咬得入。