Video
Read full review
2019-06-09
125 views
諗住一家人慶祝母親節，一齊去烚下烚下，食雞煲。我地一坐低，店員就話雞煲係任食嘅，食完再㕭，唔添之後可以打邊爐。嘩！咁爽嘅🤪我地六個人，食左4個雞煲！雞煲好惹味，啲雞唔韌，又夠入味，最緊要係多肉！唔係淨得骨。店員好細心，教我地點處理個雞煲。要以 80°C 焗下攪下，四次就食得。有時店員會幫我地攪添！食完雞煲，有凍蟹食，每人有半隻，都算係幾新鮮，唔係隻隻有蟹膏，但係蟹肉本身都算鮮甜同厚身！食完蟹就有個海鮮拼盤俾我地預備烚下烚下喇！拼盤有聖子、大花甲、鮮魚片、帶子、海蝦，每人每款有一隻，食得又開心又滿足。其他打邊爐料，我地叫左龍躉片、魚皮餃、冰豆腐、牛柏葉、水魷魚、蟹棒、響玲、鮮雞件、脆骨腩、枝竹。仲有個凍櫃放着啲蔬菜，自助夾飲品方面：有個勁大嘅雪櫃裝住超多唔同種類嘅紙包，樽裝，竟然仲有椰子水添，仲有自製嘅五花茶。正！食到個肚就黎脹爆嘅時候，原來仲有甜品：北海道3.6牛奶奶凍。甜度剛好，份量適中，畫上完美句號呢度啲店員服務周到，亦好有禮貌，自動自覺，最重要係有笑容，食得特別開心！臨走前，店員話遲啲有個全牛盛宴，我地已經計劃下次要再黎😝
雞煲好惹味，啲雞唔韌，又夠入味，最緊要係多肉！唔係淨得骨。
店員好細心，教我地點處理個雞煲。要以 80°C 焗下攪下，四次就食得。有時店員會幫我地攪添！
食完雞煲，有凍蟹食，每人有半隻，都算係幾新鮮，唔係隻隻有蟹膏，但係蟹肉本身都算鮮甜同厚身！
食完蟹就有個海鮮拼盤俾我地預備烚下烚下喇！拼盤有聖子、大花甲、鮮魚片、帶子、海蝦，每人每款有一隻，食得又開心又滿足。
其他打邊爐料，我地叫左龍躉片、魚皮餃、冰豆腐、牛柏葉、水魷魚、蟹棒、響玲、鮮雞件、脆骨腩、枝竹。
仲有個凍櫃放着啲蔬菜，自助夾
飲品方面：有個勁大嘅雪櫃裝住超多唔同種類嘅紙包，樽裝，竟然仲有椰子水添，仲有自製嘅五花茶。正！
食到個肚就黎脹爆嘅時候，原來仲有甜品：北海道3.6牛奶奶凍。甜度剛好，份量適中，畫上完美句號
呢度啲店員服務周到，亦好有禮貌，自動自覺，最重要係有笑容，食得特別開心！
臨走前，店員話遲啲有個全牛盛宴，我地已經計劃下次要再黎😝
Post
