公子茶座 (Closed)

今日終於有機會試到九龍灣新開嘅公子茶座！我係下午茶時段叫咗個生炸南乳雞髀配薯條同熱奶茶。嘢食嚟到嘅時候，首先見到嘅係薯條嘅份量好夠，而雞髀都係炸到金黃色，薯條同雞髀之間再配搭幾片沙律菜作擺盤，令成個餐影起嚟都比想像中好睇！！非常適合foodie作打卡呃like之用打完卡之後，我即刻就試咗薯條先！薯條嘅size啱啱好，食落唔會好粉之餘亦唔會有太多炸燶咗嘅部份！係會令到你食唔停口嘅薯條👍🏼👍🏼雞髀方面都係炸得好酥脆，而雞髀亦都係好多肉汁，唔會鞋颯颯非常滿足！而熱奶茶就係正常發揮啦！都做到夠熱同滑必定會再幫襯同再試其他嘢！