營足四季

Open Now

Now Closed

主題餐廳好多時都係貪得意同朋友玩下，對味道冇乜期望，估唔到呢間camping餐廳好有驚喜，係一間俾主題埋沒左嘅泰式餐廳，食完即刻有encore衝動。黃咖喱配炭燒雞扒飯淨係見到塊雞扒已經流晒口水，雞皮金黃酥脆，雞肉入味嫩滑，可以話係我食過最好味、會為咗佢再嚟嘅燒雞扒。 黃咖喱好香，撈飯一流，鐘意仲配左幾塊蝦片，好味。泰式辣椒膏海鮮意粉好惹味，辣椒膏落得毫不留手，但只係有個香味唔會太辣。 海鮮有蝦、魷魚、蜆等等好足料，蝦幾有蝦味仲有膏，朋友大讚。生焗泰式叉燒係今晚我第二最愛，開頭仲怕會乾，但肉汁真係源源不絕好水潤。 叉燒香脆入味，泰式辣醬汁尤其正，配埋生蒜一齊食好完美。生菜肉碎包正常發揮，食到香料香味，生菜新鮮夠脆，再辣啲就更加好。燒蘆筍同燒菠蘿值得一叫，新鮮爽甜，菠蘿仲有少少焦糖面，當做甜品都唔錯。