Video
Read full review
2025-06-15
331 views
今晚收工同同事去左觀塘工廈呢間簡約風CAFE食晚餐，環境舒適，坐得好舒服，好啱同朋友一邊食一邊傾！大推佢既開心果忌廉麻糬梳乎厘！特濃開心果忌廉麻糬梳乎厘開心果忌廉既開心果味超濃！麻糬煙韌加分，仲淋上少許開心果醬，更加濃郁！梳乎厘空氣感足，仲有烤脆杏仁片拌碟，增添香氣同口感，而且梳乎厘份量十足，性價比高👍。虎蝦帶子意粉虎蝦好大隻，肉質彈牙，帶子煎得香口，意粉掛汁，醬汁蒜香味濃且帶點蕃茄酸味，好食。自選沙律（扒蘆筍+封門牛柳+柚子沙律汁）牛柳嫩口唔韌，蘆筍爽脆無渣，柚子汁酸酸地好開胃，份量足，健康得嚟唔會寡。 Oreo忌廉沙冰邪惡之選！Oreo碎+忌廉打沙冰，甜度爆燈但好過癮，飲完飽一半。 海鹽Kiri芝士奶蓋抹茶(凍)芝士奶蓋鹹香，抹茶回甘唔澀，夾埋一齊飲鹹香帶回甘。 甜品比主食出色，環境chill，價錢中上但質素不錯，可以encore！
特濃開心果忌廉麻糬梳乎厘
開心果忌廉既開心果味超濃！麻糬煙韌加分，仲淋上少許開心果醬，更加濃郁！梳乎厘空氣感足，仲有烤脆杏仁片拌碟，增添香氣同口感，而且梳乎厘份量十足，性價比高👍。
虎蝦帶子意粉
虎蝦好大隻，肉質彈牙，帶子煎得香口，意粉掛汁，醬汁蒜香味濃且帶點蕃茄酸味，好食。
自選沙律（扒蘆筍+封門牛柳+柚子沙律汁）
牛柳嫩口唔韌，蘆筍爽脆無渣，柚子汁酸酸地好開胃，份量足，健康得嚟唔會寡。
Oreo忌廉沙冰
邪惡之選！Oreo碎+忌廉打沙冰，甜度爆燈但好過癮，飲完飽一半。
海鹽Kiri芝士奶蓋抹茶(凍)
芝士奶蓋鹹香，抹茶回甘唔澀，夾埋一齊飲鹹香帶回甘。
甜品比主食出色，環境chill，價錢中上但質素不錯，可以encore！
Post
