手工餃羊肉湯館

Open Now

Now Closed

病完一排之後，終於叫做好返，但成日都覺得好凍。今日喺鴨脷洲交收完，見到有一間叫做手工餃羊肉湯館嘅舖頭，一於入去食羊肉暖下身先。羊肉湯：羊肉新鮮，肉質係爽彈既。而且羊肉鮮味，唔會覺得so. 仲要個湯係唔肥膩，值得一讚。職員仲話佢哋完全冇加味精，唔怪之得食完唔覺得口渴。手工羊肉煎餃：職員密密手咁喺度包餃子，好吸引。所以就叫咗個小份嘅羊肉煎餃。餃子外皮煎得金黃香脆。一咬開，真係要小心燙咀，啲汁係噴射式出嚟，好正。羊肉串：羊肉串加咗調味粉好惹味。楊玉肥瘦適中，羊脂經過燒烤更加香。自家製酸梅湯：酸梅湯味濃，唔會太甜。酸酸may may配埋串燒更開胃。