店内環境整潔乾淨，坐低之後Keep住有客黎，以為店鋪細細容納唔到，老闆安排佢地上樓先知有兩層，就算成班朋友黎都唔怕！
餐牌款式都好多，我地叫左新鮮熱騰騰的炸魷魚鬚，即叫即炸，唔厚粉，亦唔係翻炸，推介

黑白切，其實個名真係第一次聽，有小小似冷盤咁，做前菜十分適合。 有魷魚、青瓜、牛𦟌、台灣腸、大蔥、秋葵，每樣食物都好新鮮，特別推介秋葵配Wasabi豉油，好爽口。


乳鴿都應該幾難整得好食，呢個酥炸乳鴿比想像中出色，肉厚而且都幾嫩，仲幾多肉汁，都有驚喜


之後就係嚟到主打嘅麻油雞，麻油雞可以話係呢間鋪嘅鎮山之寶，就咁聞已經有好重嘅麻油香氣。老闆推介一定要飲左湯先。果然湯清甜又唔油膩，暖身又暖心，我就味道略嫌未夠重，個人就鍾意老薑辣嘅味道，但呢個濃度已經好正！之後用個湯底做打邊爐都得！雞肉亦都好滑嫩，份量亦都好多，我地2個人都食唔哂！

咁另外我哋仲叫左個肉燥鹽酥雞飯，依個飯大大碗 ，真係超大碗！基本上一個人都未必食得晒而且味道仲唔差，係我鍾意食個種唔乾身嘅，good！

食物都好岩心水，住呢邊真係可以當食堂，大份又抵食，質素亦都高！
