拾玥

Open Now

Now Closed

今日嚟到將軍澳寶琳搵朋友食飯， 朋友帶我行到新都會二期佢話嗰邊好多好食嘅食肆， 我哋最後揀咗呢間門口好大，店名好靚嘅台式餐廳-- 拾玥。我哋叫咗個台灣蕃茄牛肉手工麵， 巨型雞扒米粉， 鹽酥澎湖特A級花枝丸， 鹵水雞翼， 上湯浸時菜。餸菜嚟到嘅時候已經好有驚喜， 兩碗麵都好大碗， 擺盤都唔馬虎 ❤️台灣蕃茄牛肉手工麵： 蕃茄湯鮮甜濃郁， 牛肋條大大件 份量都唔少， 炆得入味軟腍， 手工麵 煙韌彈牙， 加上蘿蔔配菜好豐富👍自選麵專享套餐： 呢款餐真心超值 ，揀咗麻辣湯米，巨型雞扒， 台灣直送鱈魚湯包， 上湯浸時菜連埋嘢飲， 都係九十幾蚊👍👍， 巨型雞扒外皮焦脆，肉質嫩滑有肉汁， 湯底香濃麻辣醒胃， 朋友都話好味成碗連湯食曬😂真心推呢間台式餐廳， 食物有水準價錢抵食， 另外佢哋嘅服務都好好， 鱈魚湯包入面咬開有湯， 上枱時服務員都會提醒我哋小心燙親， 好細心❤️