紅燒牛肉麵（半筋半肉）（$82）其實我對呢個牛肉麵有啲失望，首先麵身過淋，其次牛肉只係薄片，有別於其他餐廳會用厚牛肉/牛𦟌嘅做法～ 牛筋炆得好軟熟Q彈，幾特別～ 湯底味道正常，不過不失～
魯肉飯（小碗）（$28）魯肉係半肥瘦，脂肪比例偏高，好邪惡呀😭 但同時又好香🤤 配埋肉鬆就更惹味啦～
黃金香酥雞 （$48）大愛呢個香酥雞！😍😍 首先佢落嘅炸粉唔多，所以炸皮好薄！入面嘅雞肉嫩滑到好似食緊雞腿肉咁，仲要有預先醃製好，幾惹味🥰
滷香牛肚 （$48）呢個牛肚都唔錯，炆得幾淋身，口感柔軟得來又唔會韌，滷水味都幾香～
蕃茄蜜凍飲（$36）好奇心驅使下我做左勇士去試呢杯蕃茄蜜...其實都ok嘅，感覺就似茄膏加蜜糖，呢個組合都幾創新有趣，中意蕃茄嘅朋友可以一試🤓
總結，整體食物質素都係水準之上，尤其推薦黃金香酥雞😋
