行到口乾想揾杯嘢飲吓
特登去揾珍煮丹
點知原來喺正珍煮丹旁邊就係另一間黃店
所以我同老公決定一人飲一間比較吓😂
呢篇就分享咗珍煮丹嘅黑糖珍珠厚鮮奶先
-
呢杯黑糖珍珠厚鮮奶一拎上手已經睇得出應該好杰
張相就係未搖勻嘅時候個樣
一層一層咁
搖勻即刻飲啖先！
老公叫咗半糖少冰
甜度啱啱好
我諗如果大家要少冰或者去冰都最好調較一吓個甜度
由於呢杯係厚鮮奶嘅關係
所以口感非常creamy
有淡淡花奶嘅香味
最令我欣賞嘅係
佢啲珍珠嘅軟硬度真係好適中！
有咬口 唔會煮到腍晒
成杯飲品口感好豐富
超鐘意😻
-
老公話佢覺得老虎堂嘅黑糖飲品好飲啲
但我就鐘意珍煮丹多啲
因為佢嘅珍珠真係好出色
同埋珍煮丹嘅少冰真係無冰咁滯
但又唔會唔夠凍
相反我記得老虎堂飲完係有成半杯冰剩😕
珍煮丹真係可以飲晒成杯
抵好多😂
1
