目利きの銀次 (Closed)

貴價餐廳，究竟係貴貨貴賣，利字當頭，定係有功夫和有誠意，試佢嘅平價午餐大概會知道。... 呢間係前者居多噃今次我只有用大家樂標準去俾OK評分，仁至義盡。或者有人覺得，俾$86個餐坐銀次食飯仲想點噃，我覺得: 老闆，唔好為$86拆自己銀次招牌，一係做$200個嘅貴食材午餐，或乾脆用心思做好平價食材午餐，展現真功夫當做廣告。鹽燒鯖魚定食上枱鯖魚只係暖暖地，皮唔脆，味道尚可，以大家樂標準，唔錯，以銀次標準，退貨。豚肉生姜燒定食都係一樣，以大家樂標準，唔錯，以銀次標準，退貨。生姜燒汁味道唔突出，只係暖暖地，賣相大家樂到不得了。咖啡似用咖啡渣沖嘅水，無味，加奶後，哎！有啲似用大家樂咖啡溝兩倍水！好差。