大家樂 (Closed)

之前食左個唔掂既白汁雞皇焗飯，而家要食返個一哥焗豬扒飯補償返呀。大家樂既一哥焗豬果然係大家樂既皇牌。焗豬塊豬扒係厚切架，肉量好足夠。而個焗既醬汁好香濃芝士味，個飯既面仲有好多菠蘿&仲有D蕃茄，酸酸甜甜好開胃。個重點就係塊豬扒，除左厚切之外，佢個味道仲要幾好，肉質唔會話「好鞋」，蕃茄味既焗醬汁配埋豬扒味道好夾。美中不足就係D飯量多左D，我唔中意浪費食物，所以最後都慢慢食哂佢。所以我都建議大家樂可以加一個少飯既OPTION。