Video
Read full review
2016-12-20
233 views
是夜只是運動後同太座想食少少野就回家, 途中經過這間近年新裝修後嘅新榮記, 好耐之前幫襯過但經已係上世紀嘅事, 無咩印象! 現在新裝修後白磁磚牆面俾人感覺乾淨一點吧, 一入店見幾個阿姐條頸似梗咗咁向住大電視方向, 我地坐低落單佢有反應, 重複一次我們要了什麼, 及第粥/ 炸兩, 及第粥同佢講走腸, 佢同廚房講即係豬肚豬潤粥, 幾時及第粥連豬肉丸都省埋??? 好快及第粥來了, 先講個粥底係無任何味, 包括米香/ 塩的咸味, 豬肚係已經煲淋身咗嘅但都係無任何味, 更唔使講什麼豬肚嘅甜味, 豬潤係焯至剛剛熟不過因為無醃(無添加)過嘅關係又係無咩味, 唯有自己落幾粒塩啦! 第一次食及第粥要”落塩”!!當食咗幾啖之後,落單那個阿嬸隔空問我們是否”一豌粥?”我們以為佢想問我地係咪一碗粥就夠?要否叫多一碗?的意思! 我們答”係”,到碗粥食到一半我們都覺得好奇怪,一碟炸兩要斬咁耐嘅, 一味聽見半開放式廚房係咁斬係咁斬, 斬咗幾分鐘, 無理由斬唔到碟腸粉出來架, 於是開口問那大嬸, 是否漏咗柯打? 佢居然話頭先問過我地係咪一碗? 佢問我地”係咪一碗粥?”咁我地真的叫咗一碗粥呀嘛! 原來佢重有一句沒有其他
當食咗幾啖之後,落單那個阿嬸隔空問我們是否”一豌粥?”我們以為佢想問我地係咪一碗粥就夠?要否叫多一碗?的意思! 我們答”係”,到碗粥食到一半我們都覺得好奇怪,
一碟炸兩要斬咁耐嘅, 一味聽見半開放式廚房係咁斬係咁斬, 斬咗幾分鐘, 無理由斬唔到碟腸粉出來架, 於是開口問那大嬸, 是否漏咗柯打? 佢居然話頭先問過我地係咪一碗? 佢問我地”係咪一碗粥?”咁我地真的叫咗一碗粥呀嘛! 原來佢重有一句沒有其他了嗎?在心中問了!!!!!大嬸呀, 記性唔好又或者掛記睇電視唔記得客人叫咗咩??咪問返客人囉! 查實係佢自己無心裝載,知道衰咗但又唔知點開口問, 呢間粥店咁唔好彩請着呢d大嬸,
講埋呢碟炸兩, 口感係早上嘅油條晚上做炸兩, 烟靱度係深水埗之冠, 有炸兩食但就無麻醬提供, 唯有甜豉油加甜醬都照吔!
深水埗的確係草根階層嘅生活地方, 食物係充饑作用為主, 沒什麼花巧裝飾擺碟都可以, 不過基本要求都是有的, 賣粥的賣的是無任何米味的粥, 超靱炸兩, 估唔到生活質素退步到這地步! 食物質素差不特止連做野嘅人都如是, 收咗老細錢但唔做野只想睇電視追劇, 好難認同呢種新嚟的香港人精神囉! 唔想做咪返屋企睇電視追劇係自由, 但攞咗個工作崗位又唔做野, 即使係最低工資都唔應該咁, 我經常在老麥都見到好多盡心盡力做好那份工嘅香港人, 即使無做到百份之二百但都盡咗本份交足功課!
這間粥店無下次就理所當然的了, 如果大家想去見識一下大媽式招呼不妨過去幫襯下, 或者有人真的會喜歡這種服務也說不定,
在深水埗, 還有懂得煲碗好味的老牌粥鋪, 只要稍用心思找一找不難找到平靚正嘅白粥油條!
Other Info. :
其實評分那五點, 一粒星都唔想俾佢呀!!!
(The above review is the personal opinion of a user which does not represent OpenRice's point of view.)
Post
