船塢冰室 (Closed)

嚟到尖沙咀呢個新開嘅商場，格調同香港其他商場好唔同，感覺猶如在澳門各大星級酒店嘅商場中。就連今日晚餐嘅呢個Food Court，空間感都特別充足呢個Food Court，中西日韓嘅食品都有，今日就揀咗食呢一間船塢冰室，一試香港嘅地道口味經典菠蘿油$25菠蘿包可以拎返屋企食，但係菠蘿油就一定係堂食最好食。脆卜卜嘅菠蘿皮，配上口感滑溜嘅牛油，入口熱辣辣又軟熟非常瑞士雞髀撈公仔麵$55大大隻嘅瑞士雞髀，肉質嫩滑，瑞士汁嘅份量恰到好處，麵質唔會冧夠彈牙，烹調時間啱啱好船塢芝士白汁海鮮焗飯$58焗得有點微微焦香的芝士，鋪滿整個飯面。芝士混和了白汁，滲入每一啖飯。飯底用粟米同蛋漿炒香，用料亦都豐富，有鮮蝦，青口，由魚同蟹柳等等，份量足，焗到熱辣辣鮮蝦大大隻，質素超乎想像，鮮甜亦都好爽口彈牙呀這家船塢冰室，價錢唔貴，但有真正冰室嘅食物水準，正宗香港人嘅口味