豊勝手丼 (Closed)

最近天氣又開始熱返，又想食啲凍嘅嘢，魚生飯就最好不過。今次嚟咗銅鑼灣呢間一直想試好耐嘅魚生丼餐廳，入面嘅環境已經好有日本嘅感覺。餐牌亦都有好多唔同選擇，色彩繽紛，最後決定咗要個角切魚生飯。首先會有前菜沙律，魷魚沙律，同麵豉湯。然後主角到了，滿滿既魚生粒鋪滿飯面，仲要每粒都好大好飽滿，完全唔似外面既角切魚生感覺係用d頭頭尾尾堆切出黎。魚生種類有三文魚，拖羅，油甘魚，三文魚子，仲有松葉蟹肉同饅魚玉子燒，非常足料。如果男士怕唔夠飽，呢度仲有得免費添飯！最後要左支信州蘋果梳打，非常清新，唔會太甜，真係好想去翻轉日本呀！