Video
Read full review
2018-11-20
325 views
每次行過由紅磡往尖東方向嘅天橋，都會見到角落有間小店人頭湧湧。起初無為意，直到有一次朋友帶我去，先知道原來我一直走寶！🔹原味魚蛋 16粒/$20佢有細碗同大碗之分，兩個人食所以揀咗大碗。一粒粒白雪雪嘅魚蛋真係好吸引，視覺上已經滿足咗。每碗都係新鮮熱辣辣，唔會好似坊間地鋪咁比啲暖嘅又或者凍咗嘅你食，每一啖都好爽口彈牙，而且唔油膩。魚肉味濃，肉質紮實，唔會食到成口粉或者食到空氣魚蛋。呢個價錢食到呢種魚蛋都幾吸引。除咗原味魚蛋之外，仲有其他款式揀，仲有炸金角添！如果同朋友黎食，建議嗌多幾款一齊happy share！真係會口痕食上癮，依家每次經過都會心思思想食一碗！📍林昌記尖沙咀科學館道9號新東海商業中心1樓108A號舖．．環境分數：7.5/10食物分數：8/10Encore分數：8.5/10
🔹原味魚蛋 16粒/$20
佢有細碗同大碗之分，兩個人食所以揀咗大碗。
一粒粒白雪雪嘅魚蛋真係好吸引，視覺上已經滿足咗。每碗都係新鮮熱辣辣，唔會好似坊間地鋪咁比啲暖嘅又或者凍咗嘅你食，每一啖都好爽口彈牙，而且唔油膩。魚肉味濃，肉質紮實，唔會食到成口粉或者食到空氣魚蛋。呢個價錢食到呢種魚蛋都幾吸引。
除咗原味魚蛋之外，仲有其他款式揀，仲有炸金角添！如果同朋友黎食，建議嗌多幾款一齊happy share！真係會口痕食上癮，依家每次經過都會心思思想食一碗！
📍林昌記
尖沙咀科學館道9號新東海商業中心1樓108A號舖
．
．
環境分數：7.5/10
食物分數：8/10
Encore分數：8.5/10
Post
