日木三分車仔麵 (Closed)

公司附近開咗間新嘅車仔麵店，成日都大排長龍，今日終於有機會入去試一試。我今次就叫咗個五餸嘅車仔麵，盛惠$49，車仔麵來講都算貴。咁我就揀咗炸腐皮、墨魚頭、豬大腸、咖喱魷魚同埋通菜。碗麵一上嚟嘅時候第一眼就比個炸腐皮吸引到，大大塊舖係車仔麵上面，好震撼！但食落唔算話好脆，仲有少少油味，好睇但唔算好食。值得一讚嘅就係個咖喱魷魚同埋墨魚頭，咖喱魷魚爽脆，墨魚頭亦都有鮮味，非常之好食。大腸同埋通菜就正正常常啦冇乜特別。$49雖然唔算好平，但係都食得好飽。而且餸嘅份量都幾多，算係咁啦。可以值得一試。