Video
Read full review
2017-09-30
63 views
今日想食清淡小小，就黎左呢間旺角既米線/泡飯幾出名既店同男朋友兩個人黎，叫左一個泡飯，一碗米線，兩個小食再加兩杯野飲，最後發現其實我哋嗌得太多，因為食物份量好大芥末沙拉豬扒 ＄18平時出面食開既可能只係配普通既沙律醬，但呢度配既沙律醬加左芥末，既有沙律醬既甜，又有wasabi個種辛辣，非常開胃每塊豬扒都唔會炸到乾晒，肉質幾軟腍份量都幾多（應該有三塊豬扒左右嘅份量），但係價錢只係＄18，咁大碟又好食又抵食，當然推薦！香脆墨魚餅配泰式辣醬 ＄32我自己一向都幾鐘意食墨魚整嘅野，所以諗都唔諗就叫左呢個一嚟到望落去好似蛋餅咁，比較薄身，仲擔心唔夠食或者冇墨魚，但係一食落去外層香脆之餘，裏面都係有墨魚餅既，如果塊墨魚餅厚啲就更好啦，相信口感更佳，咬落去更彈牙，就算份量少兩塊都冇所謂架～巨無霸桶蠔泡飯 大 ＄120雖然佢個單價比較貴，但係絕對物有所值，單係個泡飯份量，已經係我另外碗米線嘅兩倍咁多！（唔想做大嘥鬼嘅緣故，我男朋友都有食晒佢嘅，但真係勁辛苦先食得晒😂）同埋叫得巨無霸桶蠔，啲蠔嘅size真係好大，仲大過個匙羹底部一碗仲要有成六隻咁多，平時出去酒樓打邊爐叫一個桶蠔，又係差唔多六隻， 都已經
同男朋友兩個人黎，叫左一個泡飯，一碗米線，兩個小食再加兩杯野飲，最後發現其實我哋嗌得太多，因為食物份量好大
芥末沙拉豬扒 ＄18
平時出面食開既可能只係配普通既沙律醬，但呢度配既沙律醬加左芥末，既有沙律醬既甜，又有wasabi個種辛辣，非常開胃
每塊豬扒都唔會炸到乾晒，肉質幾軟腍
份量都幾多（應該有三塊豬扒左右嘅份量），但係價錢只係＄18，咁大碟又好食又抵食，當然推薦！
香脆墨魚餅配泰式辣醬 ＄32
我自己一向都幾鐘意食墨魚整嘅野，所以諗都唔諗就叫左呢個
一嚟到望落去好似蛋餅咁，比較薄身，仲擔心唔夠食或者冇墨魚，但係一食落去外層香脆之餘，裏面都係有墨魚餅既，如果塊墨魚餅厚啲就更好啦，相信口感更佳，咬落去更彈牙，就算份量少兩塊都冇所謂架～
巨無霸桶蠔泡飯 大 ＄120
雖然佢個單價比較貴，但係絕對物有所值，單係個泡飯份量，已經係我另外碗米線嘅兩倍咁多！（唔想做大嘥鬼嘅緣故，我男朋友都有食晒佢嘅，但真係勁辛苦先食得晒😂）
同埋叫得巨無霸桶蠔，啲蠔嘅size真係好大，仲大過個匙羹底部
一碗仲要有成六隻咁多，平時出去酒樓打邊爐叫一個桶蠔，又係差唔多六隻， 都已經成舊水啦，呢度仲要包一碗勁大碗嘅泡飯，你話抵唔抵？
如果兩個女仔嚟食呢碗泡飯既話，叫一碗share黎食，再加多個小食，已經夠晒
每隻桶蠔都好肥美，煮得啱啱好，肉質冇變韌或者變老，鮮味十足無酸味
泡飯個湯都幾清，吸收左蠔既精華，食落去唔會有油膩感，唔錯～（只係份量真係好大好大好大）
滷水元蹄米線 ＄52
又係幾大碗，男仔食應該啱啱好夠飽，我盡左力都食淨左少少啦
米線本身有炸醬，腐皮，娃娃菜同菇，配料幾豐富
跟面嘅滷水元蹄有五大塊，咬落去幾爽口，有滷水味得黎又唔太鹹，not bad～
飲品都係貫徹份量大嘅風格，夠飲到埋單為止（平時嗰啲嘢食未上到已經冇左一大半啦）
餐廳幅牆嘅裝飾好靚呢
Post
