Read full review
2023-03-01
2828 views
今日欣賞等左好耐嘅周興哲演唱會🌟所以近近地係紅磡食 食完慢慢行過去紅館原來紅磡多左好多餐廳 由6點3開始行都未決定好食乜 最後行到近蕪湖街 發現有間藍色招牌食上海麵唔係講笑 6點半嘅人龍 係見有時間先會等如果趕時間就唔好等啦 因為裏面枱數得4-5張伙記又得2個 好忙但招呼唔會少☺️由6點半等到7點10終於到我哋入坐啦蜜汁烤夫 十分推薦烤夫係上海小菜 用帶皮的麥子磨成麥麩麵粉 然後在水中搓揉篩洗而分離出來的麵筋 經發酵蒸熟製成 形狀呈海綿狀 口感鬆軟 配上木耳再拌生抽 醬油等 而烤夫吸收哂醬汁 更加好味雞絲粉皮依道小菜又係不得了 雞肉絲好多而且唔鞋口 粉皮成個碗底都係 拌上帶有花生粒嘅麻醬 增加左口感 另外麻醬味道好濃郁 好開胃大排上海麵上海麵實在好大碗 麵條適中而且好掛湯另外雞排真不愧叫大排 大大塊 烤得夠脆但粉漿唔厚 肉質又夠滑 媲美得上大埔名物嫩雞煨麵湯頭比起大排麵嘅湯底有味 因為大排麵湯底係清湯雞肉粒份量多 而且每舊都好滑身同嫩滑 另外湯底有淡淡嘅忌廉雞湯味 好特別麵如其名 💛 留意只收現金 真係值得等
所以近近地係紅磡食 食完慢慢行過去紅館
原來紅磡多左好多餐廳
由6點3開始行都未決定好食乜
最後行到近蕪湖街 發現有間藍色招牌食上海麵
唔係講笑 6點半嘅人龍 係見有時間先會等
如果趕時間就唔好等啦 因為裏面枱數得4-5張
伙記又得2個 好忙但招呼唔會少☺️
由6點半等到7點10終於到我哋入坐啦
蜜汁烤夫 十分推薦
烤夫係上海小菜 用帶皮的麥子磨成麥麩麵粉 然後在水中搓揉篩洗而分離出來的麵筋 經發酵蒸熟製成 形狀呈海綿狀 口感鬆軟 配上木耳再拌生抽 醬油等 而烤夫吸收哂醬汁 更加好味
雞絲粉皮
依道小菜又係不得了 雞肉絲好多而且唔鞋口
粉皮成個碗底都係 拌上帶有花生粒嘅麻醬
增加左口感 另外麻醬味道好濃郁 好開胃
大排上海麵
上海麵實在好大碗 麵條適中而且好掛湯
另外雞排真不愧叫大排 大大塊 烤得夠脆
但粉漿唔厚 肉質又夠滑 媲美得上大埔名物
嫩雞煨麵
湯頭比起大排麵嘅湯底有味
因為大排麵湯底係清湯
雞肉粒份量多 而且每舊都好滑身同嫩滑
另外湯底有淡淡嘅忌廉雞湯味 好特別
麵如其名
💛 留意只收現金 真係值得等
Post
