8月12日（THUR)
今晚係佐敦想搵間餐廳食麵/餃子
search 到有間新呢餐廳叫[初心]
好似都幾岩口味， 就去試試佢
踏入門口，餐廳裝修簡潔 乾淨企理
然後 一件有趣既事發生了
我發覺點解呀老闆個樣咁熟口面既
膽粗粗試下問老闆。。。
"老闆你。。之前是否在沙田開餐廳？
第一城？ 麵館皇？？
"佢笑住咁點點頭， 先發現原來！
老闆正正就係之前沙田麵館皇既老闆！
利申：我是沙田之柚
又補充多少少： 沙田麵館皇位於沙田第一城，已結業一段日子了
其實我以前成日同屋企人去食麵館皇
間野都有左好多年的了
而我最中意食佢地既藥膳湯麵。
大大個砂煲咁成煲上台
夠晒熱，配料同麵既份量又好豐富
次次食都覺得好滿足
之前發現間餐廳無左都幾失落，
以為以後無機會再食了
點知今時今日
在佐敦竟然遇番老闆同佢兒子！
實在是非常興奮～
老闆都笑說真係有緣份
由沙田出到黎佐敦都比我遇得番
(仲要好彩老闆個樣好易認）
真係有重莫名其妙既感動
入番正題先：：
sorry 太興奮同老闆相認
我竟然忘記影低份menu,
下次來一定補影番
我中意豬軟骨 , 配刀削麵 梗係要藥膳湯
朋友揀左食滑雞都係配刀削麵
豬軟骨夠軟熟，份量足，正呀
雞煮得剛好，幾滑，同樣份量好足夠
點解我知雞係咩味？？
因我仲同朋友交換左幾舊黎食
咁就變左有兩個送食啦haha
湯底好濃味，但感覺係無味精既！
刀削麵質夠彈牙
餐廳原來只開左兩日
似乎未係好多人知道，
因為openrice 上面都無乜rating 同食評
暫時唔算好多人黎食
呢間餐廳無限時
中意食幾耐坐幾耐
同朋友慢慢一邊食一邊傾計
我地都傾左好耐好耐
係好滿足既一個晚上:)
我一定會再來既
因為呢到食到既唔止麵 而係回憶既味道
