江浙滬 (堪富利士道) (Closed)

今日黎尖沙咀食野，一出A2出口行多兩步就見到呢間江浙滬。好想食上海菜，就決定食呢間。上到黎發現裝修超中國風好有feel。呢度全日免茶芥。松子桂魚（$168）我最鍾意酸辣食物。呢條松子桂魚好大條。炸起之後上酸甜既汁，仲有菠蘿彩虹椒等。色彩繽紛，食落亦超酸甜開胃。酸辣湯麵（$58）酸辣湯麵即係上海麵加落酸辣湯度。勁大碗，份量多到每人都食到兩碗。糯米燒賣（跟午餐）原來就係一舊糯米用點心皮包住。食落係滿滿既糯米。瑤柱賽螃蟹（$62）份量都幾大，炒得超滑。魚湯蒜子津白（$52）魚湯幾濃，每條菜都吸滿魚湯。飲品我地叫左豆漿（跟午餐）同檸檬薏米水（$15）。薏米水比較足料，薏米勁多，令呢杯飲品幾飽肚。