Soup And Rice

依間鋪頭位於帝景灣商場，位置都算易搵，我地係星期四晚去左食dinner，好彩好快就入左去。
叫左一份鹽酥雞排，超大分量好抵食，雞肉好嫩滑，十分值得一試。

呢間野主打一人鍋，我地分別叫左一個沙茶牛肉鍋同埋香辣牛肉鍋。
佢同出面既一人鍋唔同，一路食係會有d火係到加熱緊，好有打邊爐既感覺，慢慢食，食到最尾都係暖笠笠。兩個鍋既牛肉分量又多，配菜都好多選擇，超級抵食!

另外出面既醬料同配料都有幾種，最鍾意係佢既蒜泥，鍾意食蒜既朋友一定要試，真係比其他鋪頭既好食，推薦~
打邊爐又點少得飲品呢，叫左一杯檸檬紅玉，一開始仲以為係一個杯裝，點知係出面奶茶鋪既大SIZE分量，甜度適中，抵飲消暑。