草民 (Closed)

今日約左好姊妹見面，梗係搵一個坐得舒服又耐既地方傾計。地方有分草地同普通枱，呢度賣點係草地無限時坐，建議大家如果想坐草地位，可以預早打黎講定，唔係就要去到等人走。第一碟食物係焦糖雞翼，$48，係無敵好味，好脆，個浸焦糖係面甜得黎同雞翼真係好夾，胃口大開！第二碟係草民車仔飯，$138，餐牌裏面有好多選擇俾大家揀，好似車仔麵咁。我哋就揀咗三文魚扒，焗南瓜，南瓜糙米，粟米配蜜糖芥末醬。三文魚扒煎得啱啱好，唔會太乾，糙米飯味道幾新奇，沙律菜10分新鮮，唯獨南瓜略嫌有點硬，整體來講好好味！第三樣係士多啤梨藍妹窩夫，呢樣就普普通通正正常常，份量可以在多啲，movenpick 香草味雪糕值係加分位。最後介紹飲品，熱情果茉莉綠茶加一杯焦糖咖啡。不過不失，要讚佢地用reuse既飲管。