金鳳大餐廳

Open Now

Now Closed

男朋友係港島人，佢講左好多次帶我黎食舊金鳳食扒餐，今次終於真係食到🤣。如果單憑店外既樣，應該係吸引唔到我入去食🤣。因為間舖開左好多年，所以店內既裝修都已經好舊。加上燈光比較暗，睇落好似有啲污糟咁🙈。我同男朋友一人嗌左一個餐，我食招牌牛柳餐，佢食串燒牛柳餐，仲嗌多左個香煎日本廣島蠔。每個餐都有跟餐包、紅／白湯，同埋一杯野飲。野飲既size係茶記水杯既size🤣，飲三四啖就無曬個種，如果有需要就可以嗌加大+$5。侍應上菜既時候會問埋你要燒汁定黑椒汁，啲汁一淋入去「渣」一聲，仲要超香🤤。舊金鳳既扒餐份量真係好足，夠你食飽有突。餐包、湯同野飲都係正常，無咩特別。而牛扒真係超大份，啖啖肉，而且仲幾嫩👍🏻。除左舊牛扒之外，仲有菜同薯條做配菜。而個個香煎廣島蠔，menu寫五隻，不過唔知點解我地個碟有七隻😂，但味道就一般，唔推薦。