味道樂居酒屋 (元州街) (Closed)

之前同事見到呢間有原條饅魚飯，所以想話黎食。適逢佢今日生日，就決定黎呢間同佢慶祝。佢啲lunch唔係特別貴，始終係日本餐廳。每個餐都有個蒸蛋，麵豉湯同沙律。無乜特別，正常味道。本人叫燒牛舌飯，好香既牛味，牛舌好厚，熟得黎又唔韌！另外就係我啲同事叫的。原本個海膽飯唔係拼免治吞拿的，不過原本嗰樣無哂，所以轉左樣仲正既比佢。主角當然要左饅魚飯，個飯都唔細，完全夠一個男人既食量！炭燒黑毛豬，燒得好香，同事亦都話好正！燒雞泡魚干，燒得未夠乾，不過都ok。鹽燒雞翼個皮有少少脆，入面啲肉好嫩，唔乾。