February

Open Now

Now Closed

今次係團購見到$552 四人餐，平均一人$138。話係半價，見到團購既食物圖片好似都唔錯。就買黎食啦。香草忌廉湯忌廉湯俾傑身，忌廉湯味重，香草味濃郁。沙律沙律菜新鮮，驚喜位係呢個沙律菜有四粒蜜瓜。四人份量都算多，鐘意食菜既我表示好滿足。德國火焰鹹豬手Wow,冇睇錯，係有火焰架。個staff加入酒，點火，隻豬手就着火。個Staff仲溫馨提示叫我地準備好相機，港女mode。影完相，個staff就拎咗去切，好細心。呢碟豬手，有酸菜同芥末薯蓉。豬手皮硬硬地咬落都脆，豬手肉軟身，味道咸咸地，皮加肉既配搭係較好。酸菜味較酸。仲有，芥末薯蓉。呢個較特別，我覺得芥末薯蓉配搭新鮮，芥末味既薯蓉，但我朋友就覺得配搭奇怪。美式慢燒豬肋骨豬肋骨好大舊，紅色又大舊，好吸睛，味道酸酸甜甜。每條骨都好多肉，但肉質較" 鞋"，同太大舊難以食得乾淨。森林牛肝菌汁意大利飯伴香蒜帶子呢碟賣樣一般，成碟得一粒帶子。但個意大利飯不過不失，質感比較濕，個味似忌廉。水牛城雞翼呢碟雞翼係有八隻，有少少辣辣地，多醬汁。朋友好鐘意食呢碟雞翼。甜品呢個細細粒，係雪米磁，上面係朱古力醬。一粒一口，好方便。總結食物每碟都好大碟，質素都不過不失