板長壽司 (昌記大廈) (Closed)

本身諗住去舊舖嘅板長，點知原來執咗，就嚟咗呢間新開嘅板長，新開果然係唔同啲，裝修都好靚好整齊。等位等左大概10分鐘。上到去服務員服務非常好，仲會教我地點樣用到優惠，兩個人叫咗好多好多嘢食，買單大概＄500 ,每人都係250 ,食到好飽。由於我係唔識生嘅嘢，所以三文魚花之戀我都係冇食嘅。最先嚟嘅係我最鍾意嘅鰻魚壽司，最鍾意板長嘅鰻魚係大大嚿，絕對唔會好似其他壽司鋪咁切片。大大啖咬落去，口感好豐富，仲有埋芝士係上面真係好夾，食多兩件都唔會覺得溜，鰻魚味好出。芒果軟殼蟹卷嘅芒果好滑好甜，就咁食軟殼蟹卷就有少少齋，配搭埋芒果一齊食，兩種嘅口感，濕加乾，啱啱好。到我必叫嘅腐皮壽司，甜甜地最鍾意，而且食得出係新鮮整出嚟，舊飯唔會太大舊，實在太好。呢個燒鵝肝壽司真係好好味，鵝肝燒得啱啱好，一咬落去就好似係個咀度溶化咁，真係超正。炸軟殼蟹我就嫌佢稍為有點油，不過佢下面仲有沙律可以補救返，份量都比出面既大。炸豬扒烏冬，我以為烏冬係操烏冬點不知原來係幼嘅，因為已經食到好飽，好彩佢幼身烏冬，如果唔係就肯定食唔晒，個湯底唔會太鹹，豬扒大大件，炸粉同豬扒有啲分開，豬扒仲有汁，唔會炸到乾晒好好味。總括來講，全部嘅