咖啡灣 (太和中心) (Closed)

係大埔搵食都算幾熟路，今次食嘅小Cafe應該吸引唔少少女，裝修門面都幾吸引QQ哋，野食份量（主食）都細細份，價錢正正常常。好﹗先講總評：真心講就味道唔算話好出色好好食，算係每樣都應有佢嘅味，唔會太咸太甜等等，中規中距，Cafe嚟講味道驚喜不大，主食份量偏少，不過MENU選擇都幾多﹗無論前菜沙律主食嘅恴粉意飯加埋甜品好多野㨂，而且野飲都勁多好多都幾吸引，幾適合食小食加飲野同朋友下午茶傾計。有關食物詳細就以下再逐樣講：首先辣肉醬薯條：推介因為佢肉醬都算ok，如果可以再澎湃少少更好，夠熱，分量可以，邊食邊同朋友傾計係唔錯，芝士再多少少會開心啲哈哈。甜品：朱古力香蕉窩夫 推介？:Um...因個人喜好啦，我個人覺得太甜，窩夫偏硬身，唔夠熱同鬆軟，夠熱同鬆軟食落先冇咁滯，最好做到外脆內軟，加埋每舊都有一pat cream，個人認為：幾膩唔特別推介，即使我好喜歡食香蕉朱古力味窩夫，都覺得好膩⋯⋯未好味到好飽都忍唔住食晒。。。最後係，意粉都okay的，主要欣賞佢煙三文魚都幾大塊，意粉分量ok，味就正正常常都唔錯～今次得2個人食嘅分量唔多，下次食其他野希望可以畀到高啲分啦﹗～