忠誠茶座泰國菜

Open Now

Now Closed

一早訂了去慈山寺賞桃花，希望今年好景，事事順利。大清早出發，要轉了幾程車才到，桃花都開得燦爛，不枉此行。賞完花已經是中午，再乘車到龍尾，見到這間口碑不錯的泰國菜館已經有人龍，幸好只是等了20分鐘就有位。菜館有兩邊，高高低低的分為幾個部份，座位都不少。我們三人點了一個魚露浸滑雞飯 ($55)、一個椰香咖哩牛腩飯 ($55)、一個蒜蓉炒芥蘭 ($48)一個串燒鱔片 ($108), 還有一杯青檸利賓納及一杯青檸薑蜜，後來再加多一個蒜蓉包。魚露浸滑雞飯的雞比想像中大碟，也很嫩滑，味道不錯，亦是第一次試到這個做法。椰香咖哩牛腩飯的咖哩不算辣，椰香味濃，牛腩煮得腍而不韌，咖喱汁撈飯好味，還有兩件薯仔。蒜蓉炒芥蘭也炒得不錯，有著泰式風味，帶些鹹香。串燒鱔片甚有驚喜，一上枱已然聞到碳香味，但沒有燒焦。鱔片很大片，新鮮爽口彈牙，還帶有油脂的甘香，調味也恰到好處，有機會再來一定再試。青檸利賓納帶點甜酸味，而青檸薑蜜就有少許微辣，兩者都清新醒胃。後加的蒜蓉包也不錯，烘得十分鬆脆香口，加些咖哩汁來一起食也很好。雖然是郊外小店，但菜色做得真的不俗。