今日同爸爸去左太和附近嘅果子食午餐，呢到嘅午餐都好抵食，價錢由$4x-$6x，包埋飲品，而質素仲好好添！
今次吃貨嘉嘉叫咗廚師推介嘅海鮮喇沙掺掺
🦐🍜海鮮喇沙掺掺
平時食喇沙最怕食到一半好漏，呢碗完全唔會，椰汁味好香、唔會過甜，係唯一一次我完全可以自己食哂一碗，媲美連鎖東南亞餐廳🌴 至於材料，一碗有2隻新鮮蝦、幾隻蜆、4塊魚片同豆卜，食到好飽🐷
🐥🍜南乳雞翼湯麵
呢個湯頭係豬骨湯，配上生炸好嘅雞翼同魚片。生炸嘅雞翼特別嘅地方，就係炸完出黎會有肉汁，唔會乾爭爭！
🐥白雲酸辣鳳爪
呢個其實比較似泰式鳳爪，不過一樣好食。$18黎講⋯真係比起泰國餐廳平！
🐮惹味沙嗲牛肉串燒
呢個串燒牛肉唔乾，沙嗲汁亦都香濃。
🧚🏻♀️總結黎講，呢到啲野食都好食，食到飽飽都唔會好貴，可以隨意叫多幾款小食同朋友share🐷 必食海鮮喇沙掺掺，因為吃貨嘉嘉真係毛得好好食！
