木船泰國粉麵專門店 (Closed)

夏日炎炎梗係要出門同陽光☀️玩遊戲，今日相約大埔之友去踩單車🚴‍♀️，出發之前去食個lunch 補充體力先。「木船泰國粉麵專門店」位於翠怡花園地下，其實較近太和多少少😆 一入門口就見到有架大木船既裝潢，配合返個店名呀嘛🤣哩到嘅是日lunch set 都有成10幾款，再加上其他麵款同特色menu ,真係好多選擇。店員推薦下我叫左個「亞萊嘜嘜」，其實係燒黑豚腩肉丼，秘製泰式燒汁甜甜地好惹味，而且薄切豚肉片燒到外圍微焦但內圍唔會過乾，脆邊又有肉汁雙重口感😋仲有大量既青木瓜絲可以解膩。友人就嗌左海南雞飯定食，$68有埋3款小食加湯品，抵食！海南雞好滑再配埋正宗既三色醫，湯品可揀冬蔭公或者酸辣肉丸。友人揀左冬蔭公湯話可以再辣少少。小食方而最推薦係個春卷，炸到卜卜脆，食落去仲索索聲嫁。