船皇 (大埔超級城) (Closed)

今晚阿媽唔返嚟煮飯 咁就唯有同老豆兩個出去撐枱腳 身為年輕人點可以唔去openrice網站搵下有乜嘢正嘢食呢 今日就搵到呢間位於大埔嘅船皇 主要食啲越南嘢 越南嘢多數都係重口味嘅 最啱我同埋老豆 首先入到去就叫咗碗撈麵 材料有牛腩 牛肉片 牛肉丸 呢個撈麵口感都幾彈牙 我個人嚟講都好鍾意 牛腩亦都炆得好軟 有少少牛油嘅甘香 幾正 牛肉丸同埋牛肉片同出面食到嘅差唔多 冇乜特別之後就叫咗幾串串燒 有串燒沙爹豬肉 沙爹牛肉 豬頸肉 牛舌同埋魚餅 食落鹹味都好重 對我嚟講太重口味跟住就食咗一個泰式炒金邊粉 呢個金邊粉同埋出面泰國餐廳食到嘅有少少唔同 佢味道相對比較清淡 冇咁甜最後就食咗一個芒果糯米飯 呢個係一個驚喜 因為佢用嘅椰漿有啲鹹味 十分正宗 而且糯米口感好煙韌 食落十分彈牙 芒果亦都好香甜 為呢一餐畫上美好嘅句號