校長燒肉日韓料理 (大埔廣場)

Open Now

Now Closed

大埔新開左間燒肉店，身為大埔人梗係要去試吓啦☺️ 去到先知原來仲有得打邊爐同埋放題😋佢啱啱新開裝修好靚，係啲樓梯度打卡一流，入到去環境成層好大，坐落去好舒服，座位之間距離都好闊，疫情下都唔使擔心同陌生嘅人坐得太近😙 嘢食種類都好多，基本放題有嘅壽司、刺身、前菜，連蒸魚 🐟 都有，總有一樣啱食，刺身佢就有蟹棒、玉子、螺片、希靈魚、帶子，三文魚同埋吞拿魚，咁我就試咗帶子三文魚同埋吞拿魚，食落都新鮮冇腥味，吞拿魚食落去都無骨唔錯，佢每次比你嘅數量都好足夠，唔使下下都咁快又出去拎，值得一試🍣 至於燒肉都係自己出去自助咁樣拎，款式都好多，有豬牛羊唔同部位都有，當中比較特別嘅係可以燒羊架、同埋牛肋，另外一口牛、帆立貝都高質嘅😋除咗燒肉佢仲可以自己出去拎個火鍋咁樣拎返嚟打邊爐，可以嫌燒肉唔夠飽嘅話佢都有好多火鍋嘅配料可以俾你選擇去拎，普通啲丸腸仔嗰啲都應有盡有🤙🏻甜品就試咗佢個韓國奇異果雪條食落去酸酸甜甜咁，幾特別，另外都試咗佢個冰菠蘿🍍，好 fresh好 juicy 🙃-📍校長燒肉日韓料理 (大埔)大埔安泰路1號大埔廣場地下6號舖