Read full review
2021-06-25
673 views
我一向對湯粉類情有獨鍾，例如酸辣米線同越南PHO，基本上係我平時最常食嘅嘢。 😂🙈豬腩肉米紙卷好出色！米紙卷煙煙韌韌，點花生醬食幾香。平時食開嘅米紙卷都會有唔少酸蘿蔔絲、青瓜，米紙薄薄一、兩層，屬於清爽型。而呢個加咗韭菜花嘅米紙卷係大舊兼煙韌，完全係另一種風味，有新鮮感又好食，必試推介！🥰魚露炸雞翼炸得香脆，調味無想像中咁重口，重點係熱辣辣，咬開個脆皮係冒煙嫁！招牌X河粉 (生牛肉、牛丸、牛腩)無咩驚喜，整體清淡，由湯底到河粉質地都唔係我杯茶，食完無記憶點。呢度最出名係牛骨髓，大家有興趣試可以追加牛骨髓，我諗應該會好味啲?順化豬腳牛尾湯米線其實越南唔只河粉出名嫁~ 順化都好多米線，呢款辣味幾出，比PHO重口一啲。可惜隻豬腳雖然好肥好腍，但食落無咩味。🥺夜晚落住雨搵路都有少少狼狽，不過見好朋友真係好開心 ，返咗工之後，唔似讀書時日見夜見。當晚我哋坐角落位，自成一角，坐得都幾舒服~ 成間餐廳裝修用深綠色為主，超高樓底令到空間感大增，牆上有好大幅graffiti之外，連嘢飲都有斑蘭撞奶同雞蛋咖啡揀，好有越南風味！呢度前菜同小食都幾好，反而係主菜失色。我建議大家叫多幾款小食試好過~ 🤣最後都係
我一向對湯粉類情有獨鍾，例如酸辣米線同越南PHO，基本上係我平時最常食嘅嘢。 😂🙈
豬腩肉米紙卷
好出色！米紙卷煙煙韌韌，點花生醬食幾香。平時食開嘅米紙卷都會有唔少酸蘿蔔絲、青瓜，米紙薄薄一、兩層，屬於清爽型。而呢個加咗韭菜花嘅米紙卷係大舊兼煙韌，完全係另一種風味，有新鮮感又好食，必試推介！🥰
魚露炸雞翼
炸得香脆，調味無想像中咁重口，重點係熱辣辣，咬開個脆皮係冒煙嫁！
招牌X河粉 (生牛肉、牛丸、牛腩)
無咩驚喜，整體清淡，由湯底到河粉質地都唔係我杯茶，食完無記憶點。呢度最出名係牛骨髓，大家有興趣試可以追加牛骨髓，我諗應該會好味啲?
順化豬腳牛尾湯米線
其實越南唔只河粉出名嫁~ 順化都好多米線，呢款辣味幾出，比PHO重口一啲。可惜隻豬腳雖然好肥好腍，但食落無咩味。🥺
夜晚落住雨搵路都有少少狼狽，不過見好朋友真係好開心 ，返咗工之後，唔似讀書時日見夜見。當晚我哋坐角落位，自成一角，坐得都幾舒服~ 成間餐廳裝修用深綠色為主，超高樓底令到空間感大增，牆上有好大幅graffiti之外，連嘢飲都有斑蘭撞奶同雞蛋咖啡揀，好有越南風味！
呢度前菜同小食都幾好，反而係主菜失色。我建議大家叫多幾款小食試好過~ 🤣
最後都係嗰句，「好想去旅行呀！」
Post
