BRICK LANE (圍方) (Closed)

英倫風典範必定諗到嘅就係Bricklane ，大圍圍方分店裝修超有氣質，用磚牆描繪倫敦塔橋，用單車做裝飾，木質長桌同皮沙發好襯，復古氣息濃厚，好適合打卡。酥皮海鮮周打濃湯，香噴噴嘅酥皮一打開，濃郁嘅海鮮香氣撲鼻而來，湯底香滑，充滿蜆嘅鮮甜。酥皮黑啤燉牛肉，酥皮外脆內軟，一啖咬落去就感受到黑啤嘅香氣。牛肉燉到軟腍入味，配埋濃郁嘅黑啤汁，簡直係絕配。蟹肉牛油果沙拉就清新爽口，蟹肉鮮甜，牛油果軟滑，配埋爽脆嘅生菜，口感豐富。BRICK LANE Full English賣相豐富！有雞蛋、煙三文魚、豬血腸、肉腸、火腿、蕃茄、煙肉、茄豆、薯餅、芝士、麵包，擺盤搭配好吸引，最正係薯餅，沾上茄豆非常惹味！玫瑰茶拿鐵好有驚喜！口感細滑，玫瑰香氣同奶茶嘅濃郁完美融合，甜而不膩，配搭鬆化曲奇十分正！BRICK LANE （圍方）大圍車公廟路18號圍方3樓332號舖