這個荷葉飯好有驚喜呀！先以高湯煮飯,微炒再以荷葉包住來蒸,米飯香口又入味；龍躉片既厚又彈牙,最正係上面個頭抽蒜蓉汁,金銀蒜香帶甜,就連金菇菜和雲耳都入哂味！連戒了米飯多年的我都不禁食成碗！重點係勁大份呀！絕對夠哂兩個人食. 我地仲食唔哂打包咗番屋企！真心推介！
🔮猪小姐
一聽就知呢個車仔麵combination 全部都係猪啦！猪紅嫩滑, 猪皮大塊又彈牙,猪大腸無騷味,扎肉厚切又大片,貢丸Q彈,最正係個猪手,軟腍又入味！白蘿蔔清甜無渣,我揀咗沙嗲湯底,微微的沙嗲味不是太濃,不過反而可以更加不會搶風頭,可以試到餸的味道.份量好多,呢個價錢,有咁嘅水準,真係好抵！
🔮炸蠔餅
入口非常酥脆,而且蠔仔的份量很多,每啖都會食到蠔仔肉,廚師絕對無因為係一個小食而吝嗇材料,而且一點蠔腥味都無！蠔控必試呀！
以上套餐還包飲品,確實經濟呀！
