名點 (Closed)

夜晚係宿見肚餓 宿入面又冇晒野食 跟住就同班FD出左去大圍夜茶～我平時都係食開裕富小廚～ 不過今次去到又冇晒位 我地又餓到唔想等跟住行多一兩條街 見到有間做"名點"既鋪頭 見佢裝修得幾新潮 就膽粗粗入左去試！呢間鋪頭地方唔算大 有少少逼 位都唔算多 坐得有D辛苦～見到佢個餐牌有D幾特別既點心 我地4個人總共叫左16樣野值得推介既係 "春風得意腸"！ 呢個點心個名已經好特別 我地抱住好奇既心情去嗌 點知又真係幾驚喜！ 腸粉入面悅住左油炸鬼、炸菜、肉鬆咁，食落有D似炸兩 但我覺得呢個好食好多HAHA 夠晒特別～不過個紅棗糕就麻麻地 唔係好夠味～但其他整體都唔錯 有幾款特別名既菜式都好正！