Video
Read full review
2024-05-12
372 views
糖宮甜品專門店今次要介紹大圍一間甜品店叫「糖宮甜品專門店」，呢間甜品店會有兩隻貓店長，果晚我食緊糖水期間，發現隔離有一隻黑色貓仔，佢坐住我隔離圓枱嘅黑色凳，最初無留意到有隻黑色貓仔，後來越來越多人摸佢，先知道佢喺張櫈度！呢間大圍分店入面唔算大，雖然帶咗斜板，但一見到門口有張長枱，索性喺門口食甜品好過，果晚又唔算好熱，涼涼地坐喺門口唔錯呀！1.椰皇燉蛋白（+$10花生，芝麻湯圓）$70（8.5/10）店員介紹椰皇燉蛋白比我食，影哂全部相呢個椰皇燉蛋白都係好鬼熱，早知道揀凍食，講真都幾滑，椰香同奶香都好重，我仲加咗$10要花生同芝麻湯圓，有2粒花生湯圓同1粒芝麻湯圓，湯圓皮薄餡都幾多，幾好食！2.榴槤雪花冰（+10榴槤雪糕）$70（9.5/10）呢個榴槤雪糕好啱榴槤控食，榴槤蓉都比較多，除咗面上有雪花冰同薄脆，其實下面仲有水晶涼粉同小丸子，我仲加咗$10要一球榴槤雪糕，榴槤味勁香濃，榴槤控必叫之選之一！3.朱古力心太軟伴雪糕（曲奇雪糕+雲呢拿雪糕）$62（9/10）呢個朱古力心太軟伴雪糕真心好抵，朱古力心太軟入面有少少熱，流出嚟朱古力熔岩雖然唔多，但係成個朱古力心太軟唔會好甜，朱古力似70
今次要介紹大圍一間甜品店叫「糖宮甜品專門店」，呢間甜品店會有兩隻貓店長，果晚我食緊糖水期間，發現隔離有一隻黑色貓仔，佢坐住我隔離圓枱嘅黑色凳，最初無留意到有隻黑色貓仔，後來越來越多人摸佢，先知道佢喺張櫈度！
呢間大圍分店入面唔算大，雖然帶咗斜板，但一見到門口有張長枱，索性喺門口食甜品好過，果晚又唔算好熱，涼涼地坐喺門口唔錯呀！
1.椰皇燉蛋白（+$10花生，芝麻湯圓）$70（8.5/10）
店員介紹椰皇燉蛋白比我食，影哂全部相呢個椰皇燉蛋白都係好鬼熱，早知道揀凍食，講真都幾滑，椰香同奶香都好重，我仲加咗$10要花生同芝麻湯圓，有2粒花生湯圓同1粒芝麻湯圓，湯圓皮薄餡都幾多，幾好食！
2.榴槤雪花冰（+10榴槤雪糕）$70（9.5/10）
呢個榴槤雪糕好啱榴槤控食，榴槤蓉都比較多，除咗面上有雪花冰同薄脆，其實下面仲有水晶涼粉同小丸子，我仲加咗$10要一球榴槤雪糕，榴槤味勁香濃，榴槤控必叫之選之一！
3.朱古力心太軟伴雪糕（曲奇雪糕+雲呢拿雪糕）$62（9/10）
呢個朱古力心太軟伴雪糕真心好抵，朱古力心太軟入面有少少熱，流出嚟朱古力熔岩雖然唔多，但係成個朱古力心太軟唔會好甜，朱古力似70%或以上，仲包埋兩球雪糕，我揀咗曲奇雪糕同雲呢拿雪糕，曲奇雪糕嘅曲奇碎比較多，雲呢拿雪糕比較香滑，兩球雪糕都唔算甜，好好味！
2人總共價錢$202
個人口味總評分：9/10
@dessertpalace61
地址：大圍積信街61號地舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#糖宮甜品專門店 #糖水店 #大圍 #大圍好去處 #大圍美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
Post
