大和牛石燒專門店 (Closed)

呢排終於可以出街食飯，咁就梗係放縱吓！所以就揀咗間石燒牛食！個人鍾意食美國牛，牛味夠濃！所以我同朋友都叫咗美國牛！我哋分別要咗美國安格斯牛小排、美國安格斯牛柳！對於我個大食朋友嚟論，呢度沙律、白飯同湯係任食，啱曬佢用嚟同牛一齊食！沙律嘅菜都算新鮮！再配上芝麻醬好夾！而且因為係自助所以價錢都唔洗加一！每份牛都燒到一成左右上，再加上石板自己燒，所以牛既生熟程度都可以由自己揀，而石板都夠熱燒到你想嘅熟成度！兩塊牛肉牛味夠哂，肉質好淋，而且值得讚既係筋唔多！再配上自己調味嘅鹽同黑胡椒 ，就更加鮮味！