富山麵家

Open Now

Now Closed

今日懷住一份童真嘅心，同朋友去咗銅鑼灣富山麵店食拉麵，呢幾個月主題係大口仔。一入到店內，我同朋友係嘩嘩嘩，然後再嘩嘩嘩。。。咁Q嘅咩？無論係地氈，筷子套，牙籤袋通通都係大口仔！驚訝到我擘大咗個口，同大口仔一樣😂😅咁可愛嘅大口仔，唔好俾佢停！無論係拉麵，小食，甜品，飲品，你都會見到大口仔，佢都出現响食物中讓你咬佢一口。先講下拉麵，以為好睇唔好食，錯哂，原來好睇又好食！仲熱辣辣上俾你食！黑醬油拉麵湯底鹹香，調味恰當。叉燒大大塊，仲有可愛星星蛋作點綴！軟殼蟹沾麵蟹濃湯鮮味十足，沾麵口感煙韌夠咬口。章魚燒章魚燒外觀整齊美觀，口味鹹而鮮。巨峰可爾必思梳打蜜桃可爾必思梳打表面滿滿嘅cream打咗好creamy, 仲加咗一粒Macaron,令到杯飲品更有層次, 望落去仲好靚添！宇治抹茶白桃布甸抹茶味算濃厚，加上粒粒嘅白桃，令到個甜品變得清新咗，口感都豐富咗。