一邊食已經一邊盤算緊幾時可以再嚟食
你就知有幾值得推介😆🤎✨
雖然開咗半年唔夠但都坐滿晒人
有人埋單都有人即刻walk in 入嚟
見到小店咁旺場，心底都有少少開心！
小食揀咗BB魷魚同炸五花腩～
魷魚仔洗得好乾淨有少少黑椒味炒過
加個辣辣哋嘅青醬，個泰式感覺出晒嚟
配五花腩又係另外兩隻醬，唔係行嘢嚟
食得出係新鮮手打過，唔係普通樽裝貨仔！
一定必須食佢個泰式炒河！！！
個河粉係有玻璃感嘅薄片Q彈嗰種
唔會食到成口油，亦唔太鹹，但又啖啖分明
依家諗返起又好想encore自己食一碟🤤
船麵嘅湯底濃郁，用咗新鮮金邊粉
豬油渣、炸豬皮、通菜、豬肉丸、豬肉有齊
108蚊碗我就覺得係物超所值！✨✨✨
記得要問店員拎調味料～試試佢哋嘅辣椒油
同埋加啲醋落個船麵一齊食，又多個層次！
最後私心推介個人喜好嘅青木瓜沙律！
呢個沙律做得比較mild唔會好搶口
有烤過嘅花生、有魚露亦有食到青檸味
絕對唔會得個辣字～推介大家去支持吓小店💫
