大眾燒肉酒場 X 陀地燒 (Closed)

好難食，我人生未食過啲咁難食燒肉。薄切牛舌仲薄過白紙，真係食咗好似冇食過嘢咁樣。嗰個黃牛多士以為好好食，結果啲沙律醬多過啲牛，就係一個好普通嘅吉列劣質牛溝沙律醬再加兩塊包。最後嗰個紫菜飯以為最正路，點不知越食越鹹，鹹到最後食到一半都食唔落。仲要本身以為係平平地，諗住難食都算啦，算啦。點不知買單都要三百幾蚊，仲要淨係叫咗兩碗飯兩碟最細嘅肉同埋多士。諗住啲牛肉點啲醬會好食啲啦，結果啲醬都無味，成餐飯都唔知食緊啲咩。真係唔好嚟食。