Lunch 同同事慶祝佢生日
揀咗間環境唔錯嘅餐廳又近公司
餐廳係食素嘅 第一次食素食諗住試吓
2
食完真係好似食咗陣風咁
食完係好！唔！飽！
Set lunch包咗前菜主菜
我starter order咗湯，正常
同事嗌沙律，正常
主菜係野菌長通粉
問題就係個主菜
長通粉份量細碟到我O晒嘴
得嗰幾嚿蘑菇仔，張相影到影唔到，就當自己係野菌？
同事嗌意大利飯，兩個字: 難食
正常意大利飯應該粒粒分明，但佢呢度啲飯好淋，又冇味，啲醬汁仲好水。。。
一路打呢篇文一路覺得好嬲好嬲
食完飯返Office真係餓到黑晒面唔想同人講嘢
除咗嘢食個份量之外，服務都一般
我哋book位嗰陣已經訂咗甜品
食晒所有嘢，佢哋收埋啲碟，再等咗15分鐘都未有人問我哋甜品上未
搞到最後甜品食得好趕
餐廳係大伏，千祈唔好去，嘢食咁差幾靚都冇用
