轉咗嚟港島返工，自然都喺呢度搵飯食，呢間早安越南裝修簡約，價錢都唔算好貴，一於同朋友簡簡單單食碗越南粉先!
.
#扎肉手撕雞酸菜凍檬 $61
天氣開始熱，硬係食返個凍檬先！六十幾蚊，主打嘅扎肉同手撕雞都好多，仲有青瓜絲、甘筍絲，口感豐富，再加埋啲蒜片，真係好抵食。檬粉汁一早放咗係枱面，豬太郎落嘅份量會多啲，鍾意食到尾都仲係有汁拌住嚟食。
.
#炸蝦餅 $67
一人一碗粉另外仲嗌多咗個炸蝦餅，同價錢成正比都幾大塊，即叫即炸，好香脆，btw一樣有大量蒜片，勁重味！正呀！
.
#香茅牛肉凍檬 $61
朋友另外就揀咗香茅牛肉凍檬，一樣份量好大，牛肉唔乾身，香茅味都好足～朋友都話味道唔錯！當然喇～豬太郎都係覺得扎肉手撕雞吸引啲
