必勝客 (Moved) New Location

有50元會員生日現金券，所以今日黎食下午茶。2時到門口取票，等了一會，就有位了！下午茶餐要2時15分才可order，我地揀左一個午餐和一個下午茶餐，貪這個時段來食，兩種餐都可以同時叫到。第一樣送上枱就係兩杯凍檸茶，講明要走冰，張單都寫是走冰，但兩杯都只是少冰，不是走冰。但無叫佢換，照飲罷了！午餐有湯，但個忌廉雞湯只是微暖，完全唔夠熱，這點應該要改善吓！等呀！等呀！由落單開始計，足足等了30分鐘，公司三文治終於到！份量相當大，仲有大大條薯條，伴有茄汁，賣相極之吸引。如果不是大食，share 兩個人食都夠呀！公司三文治，有雞蛋，有生菜，有芝士，有雞肉，有蕃茄，有火腿，夾住烘麵飽一同吃，真係超好味道。 薯條炸得唔乾身，好味道。香蒜肉絲意粉，其實之前都食過好多次，本應無問題，但今次D蒜味明顯太過濃烈！變得唔好食，食到好口喝，要不停喝水，去緩和濃味。是廚師失敗之作。