WAKO SAKE SUSHI • TAP (Closed)

中環街市地下food court位置有呢間日式定食店，價錢算係出面鋪頭價錢，不過賣相同質素都拍得住出面餐廳。今次我地試左兩款combo，因為配埋刺身！一款係豚肉丼，一款係鰻魚丼。我地1點左右落單，十分鐘左右就有啦。呢個定食係有面豉湯，仲有炸雞，唔少得沙律菜，而刺身有油甘魚、帶子、甜蝦。面豉湯入面都有啲料，調味無好鹹。炸雞都幾多粒，而且麵粉無話太厚，又唔會炸得太熱氣。刺身亦幾嫩滑。食下食下都發現幾大份，超豐富。主角鰻魚份量都唔錯，肉質較為有啲咬口，稍為多啲汁黎配飯就更好。食完飯有啲口感，好似差一杯日本茶。總結黎講，呢度作為food court食物質素都唔錯，而且免服務費，都抵食左。