皇府 (Closed)

好耐都冇食過皇府嘅食神叉燒飯，有日心血來潮想食，搵一搵先知得返九龍塘又一城有😢 以前讀中學附近有，間唔中放lunch就會落去食。啲同學介紹食神叉燒飯，食過一次之後就好鍾意食。之前仲試過喺嗰度慶祝生日，有同學買左蛋糕準備比surprise，點知有個staff走過黎問蛋糕洗唔洗點蠟燭😂😂😂呢日黎到食返食神叉燒飯，味道都冇乜大轉變。不過個飯真係好大份，食完好飽好飽，捧住個肚咁。叉燒大部份都係比左比較肥嘅位，冇乜食到瘦嘅部分，所以會有啲溜同濟嘅感覺。個蛋都煎得唔夠香，蛋白部份有啲薄同細。服務方面就唔可以有啲咩期望，帶位同入面啲姐姐都係一般態度。嗰次同朋友去食，埋單張單有錯就同佢地講。諗返轉頭應該係落單嘅時候有誤會。之後落單個阿姐就過黎理論，好似覺得我想賴數咁，但落單時佢確實冇講清楚同覆單就走左。