私房花雕醉雞拌麵
我見呢個係推薦嘅，一於就試下啦，果然係無推薦錯呀。有超多件雞件，食極都有，係雞髀肉，非常入味，雞皮好薄，完全唔肥。仲有啲配菜，估唔到會有溏心蛋，切面見到有幾流心。同埋有粟米荀同小棠菜，夠晒營養同靚呀。麵底係用左汁同菇撈嘅，每條麵都有醬汁，好均勻，啖啖都咁正呀。
燙青菜 高山冷泡茶
每個麵都可以加錢轉套餐，加十五蚊就有嘢飲同菜，抵呀。唔好以為係普通灼菜，佢仲加埋蒜蓉豉油，超好味！同埋份量都好多。佢有好多款茶可以揀。高山冷泡茶用好得意嘅膠樽裝，仲可以循環再用添！茶味清香，食飽晒之後就啱晒啦！
