日月堂

Open Now

Now Closed

二訪觀塘呢間工廈台式食店，水準依舊，食物分量夠晒大份，價錢又實惠，果然無令人失望~🍜紅燒半筋半肉麵 $75超大碗！麵條吸晒紅燒湯汁，牛肉半筋半肉份量好多，肉質軟嫩，筋炆得夠淋~🍗鹵水雞翼麵 $55鹵水雞翼好入味，鹹香惹味，配埋一帶碗麵一齊食，非常飽肚。 🦑酥炸魷魚 $48外皮炸到金黃酥脆，咬落卜卜聲，入面嘅魷魚依然彈牙有韌性，鹹度啱啱好~ 🌯起司肉鬆蛋捲餅 $40餅皮煎到微微焦香，入面嘅芝士溶到拉絲，再夾埋鹹鹹甜甜嘅肉鬆，一啖咬落去超豐富！ 🥛凍黑糖珍珠鮮奶 $34珍珠彈牙，數量又多，黑糖味夠但唔會過甜，鮮奶順滑，非常好味~